Yanacaqdaşıyan maşın «010»u bu hala saldı - FOTOLAR

Lənkəran şəhərində yol-nəqliyyat hadisəsi baş verib. APA-nın məlumatına görə, hadisə sentyabrın 10-da günorta saatlarında Ələt-Astara magistralının 303-cü kilometrliyində, yolun Lənkəran şəhərindən keçən hissəsində qeydə alınıb. Lənkəran rayonunun Liman şəhər sakini Elçin Mustafayevin idarə etdiyi yanacaq daşıyan “ZİL” markalı, 42 BX 978 dövlət nömrə nişanlı maşın idarəetməni itirərək yolun solunda dayanmış, rayonun Şağlakücə kənd sakini Şahin Məmmədova məxsus “VAZ-21010” markalı, 42 BH 112 dövlət nömrə nişanlı minik avtomobilinə çırpılıb. Xəsarət alan olmasa da, “VAZ-21010” markalı avtomobilə ciddi ziyan dəyib. Qəza baş verən vaxt yük maşınında yanacağın olmaması isə hadisənin fəsadsız ötüşməyinə səbəb olub.

Faktla bağlı araşdırma aparılır.