Yasamalda dəhşətli qəza - “ZİL” 22 maşını əzdi – VİDEO - FOTO

Bu gecə Yasamal rayonunda zəncirvari qəza baş verib. Avtosfer.az xəbər verir ki, Yasamal Rayon Polis İdarəsindən verilən məlumata görə, Əsəd Əhmədov küçəsində yüksək sürətlə hərəkət edən "ZİL" markalı yük maşını yolun kənarında dayanan 22 minik maşınını əzib. "İnşaatçılar" metrostansiyasının yaxınlığında baş verən qəzada avtomobillərə ciddi zərər dəyib. Xəsarət alanlar barədə dəqiq məlumat yoxdur. Qəzaya səbəb daşla yüklü «ZİL» markalı yük avtomobilinin əyləc sistemində yaranan problem olub.

Hadisə şahidlərinin "Qafqazinfo"ya verdiyi xəbərə görə, qəzada bir qadın və bir uşaq yüngül yaralanıb. Hazırda polis əməkdaşları hadisə yerindədirlər. Araşdırma aparılır.

Video Əli Sahibə məxsusdur.