Yasamalda motosiklet beton maneəyə çırpılıb

Bakıda xəsarətlə nəticələnən daha bir yol-nəqliyyat hadisəsi baş verib. 1997-ci il təvəllüdlü Aydəmirov Rövşən Məhərrəm oğlu motosikletdə hərəkətdə olarkən idarəetməni itirərək beton maneəyə çırpılıb.

Nəticədə o, müxtəlif bədən xəsarətləri alıb. Yaralı xəstəxanaya çatdırılıb və həkim nəzarətinə götürülüb.

Faktla bağlı araşdırma aparılır. (“Report”)