Yasamalda qəza törədən moto-kuryer hadisə yerindən qaçdı - REAL VİDEO

Paytaxtın Yasamal rayonunda qəzaya səbəb olan sürücü hadisə yerindən qaçıb.

Avtosfer.az-ın məlumatına görə, hadisə martın 3-də saat 15:52 radələrində Həsən bəy Zərdabi prospektində qeydə alınıb. Kadrlardan görünür ki, motosiklet sürücüsü hərəkətdə olan maşınların arasından manevr edərək keçib. Yolun sağ tərəfində hərəkət edən “Wolt” şirkətinin kuryeri önündəki maşını ötmək üçün onun ardınca sola manevr edib. Lakin solundakı 50-EL-203 dövlət nömrə nişanlı “KIA” markalı avtomobilin sürücüsü hərəkətini dayandırmayaraq onun manevrinə imkan verməyib. Nəticədə moto kuryer qarşıdakı avtomobilə çırpılıb.

Lakin qəza törədən moto kuryer zərərçəkmiş sürücünün siqnal səslərinə məhəl qoymayaraq hadisə yerindən uzaqlaşıb. 

Nərmin