Yazıq sürücülər - VİDEO

Fermadan qaçan emu ortalığı bir-birinə qatdı. Avtosfer.az atvxəbər-ə istinadən xəbər verir ki, İsrailin sahil şəhəri Herzliyada  avtomobil sürücüləri qəribə mənzərə ilə qarşılaşıb. Maşın yoluna çıxan emu avtomobillərin arası ilə kortəbii şəkildə qaçaraq sürücülərə çətin anlar yaşadıb. Avtomobillərin arasında gah sağa gah da sola qaçan emunun çıxardığı oyun həvəskar kameradan lentə alınıb. Sürücülərin təəccüblü baxışları arasında marafona davam edən dünyanın ən böyük ikinci quşu  əraziyə cəlb olunan polislərin və heyvanxana işçilərinin işini bir az da çətinləşdirib. Məlum olub ki, saatda  50 km sürət toplayan emu sakinlərdən birinin şəxsi  fermasından qaçıb. Nəhayət ticarət mərkəzlərindən birinin işçiləri emunu yaxalayaraq sahibinə təhvil veriblər.  Qeyd edək ki,  hündürlüyü 2 metrə çatan emular boylarına görə sadəcə dəvəquşudan geri qalır.