Yenə avtobus qəzası: ölən var - FOTO

Bu gün səhər saatlarına Sumqayıtda sərnişin avtobusu ilə minik maşını toqquşub. Sumqayıt şəhər Baş Polis İdarəsindən anspress-ə verilən məlumata görə, 30 saylı "Daewoo" markalı sərnişin avtobusu ilə "Tofaş" markalı minik maşını toqquşuş. Hadisə nəticəsində minik maşınında olan sərnişinlərdən biri ölüb. Sürücü də daxil olmaqla 3 nəfər xəsarət alıb. Avtobusda da bir neçə sərnişin xəsarət alıb. Hadisə barədə məlumat daxil olan kimi hadisə yerinə hüquq-mühafizə orqanlarının əməkdaşları, xilasedicilər və təcili yardım həkimləri cəlb olunub. Qəzada dünyasını dəyişən şəxsin Rafiq Əhmədov olduğu məlum olub.

Foto: APA