Yevlaxda 2 ardıcıl qəza

Yevlax şəhəri, Heydər Əliyev prospektində 2 ardıcıl avtomobil qəzası baş verib. Avtosfer.az regiontv-yə istinadən xəbər verir ki, həmin prospektdə hərəkətdə olan Yevlax şəhər sakini, Şahin Vaqif oğlu Rzazadənin idarə etdiyi “OPEL” markalı avtomobil ilə əks istiqamətdən gələn, Ağdam rayon sakini Namiq Əhəd oğlu Abdullayevin idarə etdiyi “VAZ 21 099” markalı avtomobil toqquşub. Bu hadisənin ardınca Yevlax şəhər sakini Seymur Yusif oğlu Hüseynovun idarə etdiyi “VAZ 2106” markalı avtomobil  ilə eyni istiqamətdə hərəkətdə olan, Yevlax rayon Səmədabad kənd sakini Samir Sahib oğlu Məmmədovun idarə etdiyi “Mersedes” markalı avtomobil toqquşub. Bu hadisəyə “VAZ 21 06”-nın sürücüsünün hərəkətdə olarkən manevr etmə qaydasını düzgün yerinə yetirməməsinin səbəb olduğu bildirilir. Qəzalar zamanı xəsarət alan olmasa da, avtomobillərə ciddi ziyan dəyib. Hər iki faktla bağlı araşdırma aparılır.