Yevlaxda avtomobil aşıb, sürücü xəsarət alıb

Yevlaxda minik maşını aşıb.

APA-nın Mingəçevir bürosunun məlumatına görə, hadisə gecə saatlarında Salahlı kəndi ilə Aran qəsəbəsi arasındakı dəmir yolu keçidi yaxınlığında baş verib.

İdarəetmədən çıxan "Mercedes" markalı minik maşını yol kənarına aşıb. Qəza nəticəsində müxtəlif bədən xəsarətləri alan sürücü - 1988-ci il təvəllüdlü Bərdə rayon sakini Cavadov Seymur Vahid oğlu xəstəxanaya yerləşdirilib.

Faktla bağlı araşdırma aparılır.