Yol qırğını davam edir: 3 ölü, 14 yaralı

Martın 7-də Azərbaycan yollarında baş vermiş qəzalar 3 nəfərin həyatına son qoyub. Avtosfer.az-ın lent.az-a istinadən məlumatına görə, gün ərzində respublika yollarında ümumilikdə 9 yol-nəqliyyat hadisəsi baş verib. Nəticədə dünyasını dəyişən 3 nəfərdən başqa 14 nəfər müxtəlif dərəcəli bədən xəsarətləri alıb. Ən ağır yol qəzası Göygöl rayonunda, Toğana yolunda baş verib. İki avtomobilin toqquşması ata və oğulun ölümünə səbəb olub Daha iki nəfər isə xəsarət alıb. Bərdədəki qəzada isə 1 nəfər ölüb, daha 3 nəfər yaralanıb.

Hər bir faktla bağlı araşdırma aparılır.