Yol terroru dünən 3 can aldı
Qəzalar
16 Mart 2015 15:59
Oxunub 1542
Siyəzən, Mingəçevir və Ağdamda ölümlə nəticələnən avtomobil qəzaları baş verib
Yol - nəqliyyat hadisəsi dünən üç nəfərin həyatına son qoyub. Avtosfer.az-ın Daxili İşlər Nazirliyinin mətbuat xidmətinə istinadən verdiyi məlumata görə, 15 martda Siyəzən, Mingəçevir və Ağdam rayonunun Əhmədağalı kəndində ölümlə nəticələnən avtomobil qəzaları baş verib. Siyəzən rayonunun Gilgilçay qəsəbəsində Şabran rayon sakini Etibar Zülfüqarovun idarə etdiyi “KamAZ” və Quba rayon sakini Elton Bədəlovun idarə etdiyi “KamAZ” markalı avtomobillər toqquşub. Nəticədə E.Zülfüqarov hadisə yerində ölüb. Mingəçevir şəhərində şəhər sakini Allahverdi Abbasov idarə etdiyi “VAZ-21015” markalı avtomobili yol ayırıcısına vurmuş və nəticədə hadisə yerində ölüb. Ağdam rayonunun Əhmədağalı kəndində rayon sakini Aqil Quliyev idarə etdiyi “OKA” markalı avtomobili aşırıb və nəticədə hadisə yerində ölüb.
Hüquq mühafizə orqanları hər 3 hadisə ilə bağlı araşdırma aparır.
Nurlan
ŞƏRH YAZ
DİGƏR XƏBƏRLƏR
