Kürdəmir rayonunda daha bir zəncirvari yol qəzası baş verib.

Avtosfer.az Report-a istinadən xəbər verir ki, hadisə yolun rayonun "Stansiya Karrar" qəsəbəsindən keçən hissəsində qeydə alınıb.

Belə ki, hərəkətdə olan 3 ədəd "Ford" markalı mikroavtobus ilə "Mercedes" markalı minik avtomobili toqquşub.

Hadisənin baş verməsinə səbəb hava şəraitinin aşağı düşməsi nəticəsində yolların buz bağlaması göstərilir.

Qeyd edək ki, bundan əvvəl yolların buz bağlaması səbəbindən baş verən daha bir zəncirvari qəza bu gün səhər saatlarında Bakı-Qazax yolunun Kürdəmir rayonun Sığırlı kəndindən keçən hissəsində qeydə alınıb.