Yolu keçmək istəyən qadın faciəli şəkildə öldü

Bakının Sabunçu rayonunda piyadanın ölümü ilə nəticələnən yol nəqliyyat hadisəsi baş verib.  Avtosfer.az xəbər veriri ki, bu barədə teleqraf -a Daxili İşlər Nazirliyinin mətbuat xidmətindən məlumat verilib. Məlumata görə, hadisə rayonun Maştağa qəsəbəsində qeydə alınıb. Qəsəbə sakini Vasif Abışov idarə etdiyi “Mercedes” markalı avtomobillə yolu keçən həmyerlisi Nərgiz Nəcəfovanı vurub. Nəticədə piyada hadisə yerində ölüb. Faktla bağlı Sabunçu Rayon Polis İdarəsi tərəfindən araşdırma aparılır.