Yük maşınının altında qaldı, amma... - VİDEO

Avtosfer.az atv.az-a istinadən xəbər verir ki, İzləyənləri dəhşətə gətirən olay Çinin Çjetsyan vilayətində baş verib. Müşahidə kameralarından anbaan lentə alınan qəzada, yolu keçməyə çalışarkən bir anda nəqliyyat vasitəsinin altında qalan sakinin imdadına yoldan keçən piyadalar çatıb.

Yol kəsişmələrinin birində  bir motosiklet sürücüsü yolu keçərkən, çarpaz istiqamətdən yüksək sürətlə irəliləyən yük maşını qəza törədib. Yük maşınının  sürücüsü kəskin dönüşlə, qarşıdakı motosikletən yayınmaq istəsə də, bu vəziyyəti daha da pisləşdirib. Nəzarətdən çıxan yük maşını birbaşa motosiklet sürücüsünün üstünə aşıb.

Dərhal köməyə qaçan sakinlər, 2 dəqiqə ərzində yük maşınını qaldırmağa müvəffəq olub. Çoxları motosikletçinin öldüyünü düşünsə də, o ağır texnikanın altından sağ çıxıb. Xəstəxanaya çatdırılan çinlinin ağır bədən xəsarətləri aldığı, bununla belə, həyati təhlükəsinin olmadığı bildirilir. Qəzanın hansı səbəbdən baş verdiyi dəqiqləşdirilir. Müşahidə kamerasına düşən görüntülər isə, dəhşətli olayın sürücü məsuliyyətsizliyindən qaynaqlandığına işarə vurur.