Zabratda iki "06" toqquşdu: 1 ölü, 1 yaralı - VİDEO

Bakıda ölümlə nəticələnən yol-nəqliyyat hadisəsi baş verib. Avtosfer.az xəbər verir ki, Sabunçu Rayon Polis İdarəsindən APA TV-yə verilən məlumata görə, hadisə Kürdəxanı-Zabrat yolunda qeydə alınıb. Şəhər istiqamətində hərəkətdə olan  10 KB  934  dövlət nömrə-nişanlı "VAZ 2106" markalı avtomobil əks istiqamətdə hərəkət edən eyni markalı 33 BC 033 nömrə-nişanlı avtomobillə toqquşub . Zərbənin gücündən 33 BC 033 nömrə-nişanlı avtomobil yolun digər tərəfinə keçib. Avtomobilin hələlik kimliyi dəqiqləşdirilməyən sürücüsü ölüb. Deformasiyaya uğramış avtomobildə sxılmış vəziyyətdə qalmış sürücünün cəsədi xilasedicilər tərəfindən avtomobildən çıxarılaraq aidiyyəti üzrə təhvil verilib.

Digər avtomobilin sürücüsü isə xəstəxanaya aparılıb. Hadisənin səbəbi aparılan avtotexniki ekspertizanın rəyindən sonra məlum olacaq. İlkin versiyaya görə, hadisəyə səbəb hər iki avtomobilin yüksək sürətlə idarə olunmasıdır.