Zərdabda zəncirvarı qəza baş verdi; 1 ölü, 4 yaralı - FOTO

Zərdabda baş verən qəzada ölən və xəsarət alanların şəxsiyyəti məlum olub.

Avtosfer.az-ın APA-ya istinadən xəbərinə görə, qəza nəticəsində motosikletin sürücüsü Laçın rayon sakini, 1993-cü il təvəllüdlü Atəş Əmrah oğlu Məmmədov dünyasını dəyişib.

Sənani Novruz oğlu Eyvazov, Ətraf Dövlətxan oğlu Xəlilov, Rəşad Talıbxan oğlu Pənahov və Ramal Sabir Oğlu Xəlilov müxtəlif xəsarətlər alıblar.

***

Zərdabda "Mercedes" markalı minik maşını, "Gazel" markalı yük avtomobili və motosikletin iştirakı ilə zəncirvarı qəza baş verib.

Avtosfer.az-ın APA-ya istinadən xəbərinə görə, hadisə gecə saatlarında Ucar-Zərdab avtomobil yolunun Zərdabın Bəyimli qəsəbəsindən keçən hissəsində qeydə alınıb.

Nəticədə hər 3 nəqliyyat vasitəsinə ciddi ziyan dəyib, 1 nəfər həyatını itirib, 4 nəfər isə xəsarət alıb.

Zərərcəkənlər Zərdab Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.