"Formula-1" Qran-prisi üçün yeni tribunalar salınacaq - FOTO

"Formula-1" üzrə dünya çempionatının builki Azərbaycan Qran-prisinə hazırlıq işləri davam etdirilir.

Avtosfer.az xəbər verir ki, bu il Bakı Şəhər Halqasında (BŞH) iki əlavə tribunanın quraşdırılması nəzərdə tutulub.

Artıq BŞH ətrafında tribunaların quraşdırılmasına başlanılıb. Həm yerli, həm də xarici azarkeşlər tərəfindən Azərbaycan Qran-prisinə artan marağı nəzərə alaraq, infrastrukturun genişlənməsi nəticəsində tribunaların tutumu 1 500 yer artırılaraq 20 000-i keçəcək.

Qeyd edək ki, keçənilki Azərbaycan Qran-prisini dörd gün ərzində tribunalardan canlı olaraq 76 000-dən çox azarkeş izləmişdi.

Hazırlıq işləri ilə əlaqədar olaraq Dənizkənarı Bulvarın bəzi hissələrində müvəqqəti məhdudiyyətlərin tətbiq olunması nəzərdə tutulur. Paytaxt sakinlərindən və qonaqlardan bu müddət ərzində anlayış göstərmələri xahiş olunur.

Xatırladaq ki, "Formula-1" üzrə builki Azərbaycan Qran-prisi sentyabrın 19-21-də keçiriləcək.