Maks Ferstappen “Formula 1” Səudiyyə Ərəbistanı Qran-Prisinin qalibi olub

“Red Bull” komandasının pilotu Maks Ferstappen Ciddə Şəhər Halqasında keçirilən “Formula 1” Səudiyyə Ərəbistanı Qran-Prisinin qalibi olub.

Avtosfer.az xəbər verir ki, birincilik uğrunda əsas mübarizə Ferstappenlə “Ferrari”nin pilotu Şarl Lekler arasında olub. “Red Bull” təmsilçisi son dairədə rəqibini qabaqlayaraq finişə birinci çatıb. Fəxri kürsünün üçüncü pilləsini “Ferrari”nin digər pilotu Karlos Sainz tutub. “Mercedes” komandasının yeddiqat dünya çempionu Luis Hamilton isə finişə 10-cu çatıb.

Məğlubiyyətə baxmayaraq Bəhreyn Qran-Prisinin qalibi olmuş Şarl Lekler iki mərhələdən sonra dünya çempionluğu uğrunda mübarizədə liderliyini qoruyub saxlaya bilib.

Konstruktorlar Kubokunda ilk üçlükdə "Ferrari", "Mercedes" və "Red Bull" komandaları qərarlaşıb.

Trend