ABŞ “Boeing 737 MAX”ların uçuşuna icazə verdi

ABŞ-ın Federal Aviasiya İdarəsi baş vermiş qəzalarla bağlı təxminən iki il davam edən hərtərəfli yoxlamalardan sonra “Boeing 737 MAX” təyyarələrinin uçuşlarını bərpa etməyə icazə verib.

Bu barədə “Reuters” məlumat yayıb.

ABŞ Federal Aviasiya İdarəsinin rəhbəri Stiven Dikson sözügedən təyyarələrin təhlükəsizliyinə 100 faiz əminliyini ifadə edib.  

O qeyd edib ki, təyyarədə qəzaya səbəb olmuş nasazlıqların və çatışmazlıqların aradan qaldırılması üçün bütün işlər görülüb.