Bakıda piyada keçidlərinin sayı artırılır - VİDEO

Piyadaların və avtomobillərin təhlükəsiz hərəkətini təmin etmək üçün Bakıdakı piyada keçidlərinin sayı artırılır. Ümumilikdə 14 keçidin tikintisi nəzərdə tutulub. Hazırda 8 yerdə işlərə başlanıb. Daha 6 keçidin isə layihəsi hazırdır. Həmin keçidlər hansı ünvanlarda yerləşəcək?

Bakıda daha 6 yerdə piyada keçidi tikiləcək. Artıq keçidin yerləşəcəyi yollar müəyyən edilib və layihələndirilmə işlərinə başlanıb. Keçidlərdən biri ''Ağ Şəhər'' layihəsi çərçivəsində nobel prospektinin üzərində tikiləcək.

Avtomobil yolları dövlət Agentliyinin sözçüsü Anar Nəcəfli deyir ki, paytaxtda keçidlərin sayının artırılmasında əsas məqsəd avtomobillərin və piyadaların çox olduğu yollarda təhlükəsizliyi təmin etməkdir.

Anar Nəcəfli hazırda tikintisi davam edən keçidlər haqqında da danışıb. Bildirib ki, ümumilikdə 10 keçidin tikintisi aparılırdı. Artıq həmin keçidlərin 2-də işlər yekunlaşıb. Yerdə qalan 8 keçiddən 5-i isə may ayının sonuna qədər təhvil veriləcək.

Tiblisi prospekti ilə Həsən Əliyev küçəsinin kəsişməsində yerləşəcək keçidin də tikinti işləri start götürüb. Asma körpü görünüşlü olacaq keçid üçbucaq şəkilində olacaq.