Bütün "iPhone" lar cibə yerləşməyəcək -Apple avtomobil istehsalına başlayır

Apple bu gün Apple Car layihəsi ilə yenə gündəmə gəlib. Bu dəfə Bloomberg-də açıqlama yayılıb.

Avtosfer.az Mark Gurman-ın sözlərinə istinadən xəbər verir ki, nəqliyyat vasitəsinin hazırlanması hələ çox erkən səviyyədədir. Apple vasitə üzərində işləyir, lakin istehsal üçün ən az 5 -7 il lazımdır. Həm avtonom elektrikli avtomobil istehsal etmək, həm də digər şirkətlərə satmaq üçün bir avtonom idarəetmə sistemi yaradan Apple çox təcrübəli adlarla çalışır. Hətta Gurman açıq şəkildə layihə qrupunun başındakı 11 vacib adı paylaşıb. Verilən məlumatlar arasında adıçəkilən şəxslərin pandemiya səbəbilə hazırda evdə çalışdığı diqqət çəkir.

5-ci avtonom səviyyəni hədəf alan texnologiya nəhəngi, bu çərçivədə Apple Car üçün gələcək kokpit dizaynlarını da inkişaf etdirir. Şirkət avtonom sürücülük üçün süni intellekt yönümlü xüsusi avtomobil prosessoru da dizayn edir. Məlumdur ki, Apple hazırda prosessor baxımından dünyanın ən yaxşıları arasındadır.