Koronavirusun yeni simptomları elan edildi
Yeniliklər 1 Aprel 2020 22:30 Oxunub 329
Koronavirusun yeni simptomları elan edildi
İnsanların özlərini 7 gün təcrid etmələrini məsləhət görüblər

İybilmə və dadbilmə hissiyatının itirilməsi koronavirusun başlıca simptomlarıdır. “Qafqazinfo” “RİA Novosti”yə istinadən xəbər verir ki, belə bir nəticəyə London Kral Kollecinin alimləri gəlib. Mütəxəssislərin fikrincə, bu simptomlar müşahidə olunan şəxslərin 59%-ində koronavirus testi pozitiv çıxıb. Üstəlik, koronavirusun təyin edilməsi üçün bu simptomlar qızdırmadan daha dəqiq göstərici olub.

Alimlər iybilmə və dadbilmə hissiyatının itirilməsinin koronavirusa yoluxma ehtimalını 3 dəfə artırdığını bildiriblər və belə əlamətlər müşahidə olunarsa, insanların özlərini 7 gün təcrid etmələrini məsləhət görüblər.

Qeyd edək ki, dünyada 887 min 462 nəfər Covid-19 daşıyıcısıdır. 44 min 272 nəfər isə dünyasını dəyişib.

ŞƏRH YAZ
Ad

E-mail

Şərh