Neftçalada yeni yol çəkilir - FOTO

⁣“Azəravtoyol” ASC-nin icraçılığı ilə uzunluğu 14 km olan Bankə - Yenikənd – Şirvanlı yoluna ( Neftçala Yenikənd Nərə Balıq artırma zavodu istiqamətində) yeni asfalt örtüyün çəkilməsi üçün hazırlıq işləri görülür.⠀
⠀
Avtosfer.az xəbər verir ki, hazırda yolun 6,5 km hissəsində asfalt örtüyün çəkilməsi üçün bütün lazımi tədbirlər görülüb, qalan 7,5 km-lik isə hazırlıq işləri davam etdirilir. Yaxın günlərdə yolun 6,5 km-lik hissəsinə asfalt örtüyün çəkilməsinə başlanılacaqdır. Bu yoldan Bankə qəsəbə, Yenikənd kənd və Şirvanlı kənd sakinləri rahatlıqla istifadə edəcəklər.⠀
⠀
Əlavə olaraq qeyd edək ki, Neftçala Yenikənd Nərə Balıq artırma zavodu əsaslı təmir- bərpa işlərindən sonra istifadəyə veriləcəkdir.