Yeni avtobuslar kart sisteminə keçidi sürətləndirəcək

Bu il ölkəmizə gətiriləcək 320 yeni avtobus Avro 6 standartlarına cavab verir və bu avtobuslar kart sistemi ilə işləyəcək.

Bunu Avtosfer.az-a açıqlamasında Bakı Nəqliyyat agentliyinin mətbuat xidmətinin rəhbəri Mais Ağayev bildirib.

Bu isə o deməkdir ki, yaxın günlərdə paytaxtda hərəkət edən daha bir neçə marşurut xəttindəki avtobuslardan nəğd pul vasitəsi ilə istifadə etmək mümkün olmayacaq.

Qeyd edək ki, ilin sonuna kimi "Bakı kart"ın balansının onlayn artırılması sisteminin də istifadəyə verilməsi nəzərdə tutulur.