230 sürət yığan "04" müəmmasına aydınlıq gəldi - FOTO
Yol polisi
16 Mart 2015 15:08
Oxunub 8068
“VAZ-2104” markalı avtomobilin sürücüsünə göndərilən bildiriş şoka salıb
Azərbaycanda Baş Dövlət Yol Polis İdarəsindən sürücüyə qeyri-adi bildiriş gəlib. Avtosfer.az-ın məlumatına görə, sosial şəbəkələrdə bildirilir ki, yol polisi tərəfindən “VAZ-2104” markalı avtomobilin sürücüsünə göndərilən bildirişdə maşının sürət həddini pozması qeyd olunur. Göndərilən radar bildirişinə əsasən “VAZ-2104” markalı avtomobilin sürücüsü maşını 230 km. saatla idarə edib. Fotoda göstərilir ki, bildiriş ötən ilin mart ayının 4-də göndərilib.
Qeyd edək ki, “VAZ-2104” markalı avtomobilin maksimal sürəti 180-dir.
Məsələyə aydınlıq gətirmək üçün Baş Dövlət Yol Polisi İdarəsilə əlaqə saxladıq. Qurumun mətbuat xidmətinin rəhbəri Kamran Əliyevin anspress-ə verdiyi məlumata görə, bu hadisə ötən il baş verib. Onun sözlərinə görə, bildiriş göndərilən sürücü idarəyə müraciət edib. “Araşdırmalar aparılıb. Məlum olub ki, hadisə texniki səhv ucbatından baş verib. Həmin protokol mart ayının 31-də ləğv edilib”, - deyə Kamran Əliyev bildirib.
ŞƏRH YAZ
Zohrab 10 Noyabr 2014 22:55
Sürət 230 kmsaat deyil,130 kmsaat göstərilsəydi, sürücü bunu necə sübut edə bilərdi ki, o, sürət həddini aşmayıb.
DİGƏR XƏBƏRLƏR
