Bakıda yol polisindən analoqu olmayan reyd - FOTO

Bakı şəhər Dövlət Yol Polis İdarəsinin əməkdaşları qəribə reyd keçiriblər. Avtosfer.az xəbər verir ki, bu barədə sosial şəbəkələrdə yazıblar. Bildirilir ki, yol polisləri "Memar Əcəmi” metrosu yaxınlığında binaların həyətlərində saxlanılan avtomobillərin sürücülərini cərimələyib. Belə ki, 99 YP 473 nömrəli polis maşını məhəlləyə daxil olaraq, məhəllənin düz ortasında maşını saxlayıb və reydə başlayıb. Sakinlər iddia edir ki, polislər binanın həyətinə “səhv girən maşınlar”ı saxlayıb cərimələyiblər: ““Parkovka” olunan maşınların naməlum səbəblərə görə şəkillərini çəkiblər. Bir neçə sakin (sürücülər) bu yol polis işçilərinə etiraz ediblər ki, “sizin elədiyiniz qeyri qanunidir, özbaşınalıqdır, hansı qanunda, harda yazılıb ki, siz məhəlləyə daxil olub hansısa maşını cərimələyə bilərsiz?”. 

Məlumata görə, sakinlər şikayət edəcəklərini bildirəndən sonra yol polis maşını məhəlləni tərk edib.