DYP-dən biabırçı səhv - FOTO

Füzuli rayon Mollaməhərrəmli kənd sakini İsmayıl Hacıyev Daxili İşlər Naziri Ramil Usubova müraciət edib. İ.Hacıyevin ünvanına göndərilmiş 31 iyul 2014-cü il tarixli məktubda, 23 may 2014-cü ildə inzibati xəta haqqında (seriya MMX , N: 472533) protokolda şəkili çəkilmiş avtomobilin markası «KİA Sportage», dövlət qeydiyyat nişanı isə 90-DU-294-dir. Şəklin altındakı qeyd olunmuş nömrə isə 90-DJ-754-dir: “Mənə məxsus avtomobil isə «Mercedes Benz» -200 minik, 90-DJ-754 dövlət qeydiyyat nişanlıdır. Protokola əsasən mənə İXM-nin 151-1.2-ci maddəsi ilə 50 manat məbləğində cərimə yazıblar. Sizdən xahiş edirəm ki, mənə yazılmış qanunsuz protokol ləğv edilsin. Öz işinin öhdəsindən gələ bilməyən, haqsız yerə vətəndaşları incidən DYP əməkdaşları cəzalandırılsın”./qafqazinfo