Ekologiya budur – DYP avtomobili tüstüləyir - VİDEO

Məlum olduğu kimi, iki ay əvvəl Bakıya yeni Yol-Putrul Xidməti avtomobilləri gətirilib. Artıq həmin avtomobillərdən bir neçəsi xidmətə başlasa da, yol polisləri arasında tüstü-duman buraxan, sınıq-salxaq patrul maşınlarında xidmət aparanlar da var. Məsələn, Avtosfer.az-a oxuculardan biri tərəfindən göndərilən bu videodakı kimi. Videoda gördüyünüz 10 YP 631 dövlət nömrə nişanlı DYP avtomobili üzü Xırdalan dairəsi istiqamətində hərəkət edir.

Normal halda, bu cür nəqliyyat vasitəsi istismar oluna bilməz. Ekologiyanı çirkləndirdiyi üçün həmin nəqliyyat vasitəsinin sürücüsünə 150 manat cərimə düşür.

«BMW» markalı bu avtomobillər artıq istismar müddətini çoxdan başa vursa da, hələ də xidməti bu maşınlarda aparan yol polislərinin halına acımaq lazımdır. Çünki bu avtomobillər həm ekologiyanı çirkləndirir, həm də təhlükə mənbəyidir. Bu maşınların əksəriyyətinin mühərriki «yağ yediyi» üçün salonda dəm qazı əmələ gəlir. Bu da insan orqanizmi üçün təhlükəlidir.

Avtosfer.az-ın əldə etdiyi məlumata görə, may ayında Bakıdakı bu cür yol polisi avtomobilləri tamamilə istismardan çıxarılacaq. Yeni avtomobillər isə bir sıra texniki üstünlüklərə malikdir.

Elməddin