Pərdəli avtomobil sürən 300 sürücü cərimələndi

Yol polisi 27 Noyabr 2014 22:18 Oxunub 1770
Pərdəli avtomobil sürən 300 sürücü cərimələndi
WhatsApp kanalımıza abunə ola bilərsiniz
Vaqif Əsədov: «Buna yol vermək olmaz»

«Maşınların arxa və yan şüşələrinə standarta uyğun pərdə və jalüzlərin vurulması halları azalıb”. Bunu  Modern.az saytına Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəhbəri Vaqif Əsədov deyib. Onun sözlərinə görə, pərdə və jalüzlərdən istifadə edənlər birmənalı olaraq cərimələnir:  “Dünən 3 nəfər, bu gün isə 1 nəfər pərdə və jalüzlərdən istifadə etdiyinə görə saxlanılıb. Bu ayın 16-dan bu günə qədər 300-ə yaxın belə halla rastlaşmışıq. Qanunları pozanlara qarşı inzibati protokol tərtib olunub. Protokolda 150 manat cərimə olunması göstərilir”.

Tanınmış simaların qanunlara əməl etməməsinə gəlincə, Vaqif Əsədov hələ ki belə faktla rastlaşmadıqlarını bildirib: “Bəzi tanınmış simalar hər hansı qayda pozuntusuna yol verdikdə “yol polis məni tanıdığına görə heç bir cəza tətbiq etmədi” deməklə asayişi qoruyan polisi aşağılamaq istəyirlər. Buna yol vermək olmaz. Polisi cəmiyyətə bu cür təqdim etməyin! Ümumiyyətlə, belə məsələlərin açıq şəkildə deyilməsi cəmiyyətdə insanlar arasında polis əməkdaşlarına qarşı yanlış fikirlərin yaranmasına gətirib çıxarır”.

ŞƏRH YAZ
Ad

E-mail

Şərh