Polisdən avtomobil soyğunu və maşın qaçıranlarla bağlı məlumat

Bakı Şəhər Baş Polis İdarəsi paytaxt ərazisində avtomobilləri qarət edənlər və maşın qaçırılması ilə bağlı məlumatlar yayıb. İdarədən Avtosfer.az-a verilən məlumata görə, Nərimanov RPİ 18-ci PB əməkdaşlarının keçirdikləri əməliyyat-axtarış tədbirləri nəticəsində, oktyabrlın 27-də H.Məmmədov küçəsində yaşayan Vüqar İsmayılzadəyə məxsus «Subaru» markalı avtomobildən, şüşəni sındırmaqla içərisində telefon ləvazimatları olan əl çantası oğurlamaqda şübhəli Lənkəran şəhər sakini, 1997-ci il təvəllüdlü Anar Məcidov və Bakı şəhər sakini Natiq Kərimli tutulublar. Araşdırma zamanı müəyyən edilib ki, onlar oktyabrın 14-də M.Sənani küçəsində Namiq Quliyevə məxsus «Mercedes», oktyabrın 20-də O.Əliyev küçəsində Əsli Ağağülovaya məxsus «Nissan», A.M.Cümə küçəsində Aysel Teymurovaya məxsus «Kia-Cerato» və oktyabrın 27-də F.X.Xoyski küçəsində Kəmalə Abdurəhimova məxsus «Hyundai-Elantra» markalı avtomobillərdən pul, mobil telefon, sənədlər və digər əşyalar oğurlayıblar. 

BDYPİ və Nərimanov RPİ 16-cı PB əməkdaşlarının birgə keçirdikləri əməliyyat-axtarış tədbirləri nəticəsində oktyabrın 27-də Bakı şəhər sakini Qaraş Məmmədova məxsus «Daewoo-Centra» markalı avtomobili qaçırmaqda şübhəli bilinən Bakı şəhər sakini, 1976-cı il təvəllüdlü Seyran Allahverdiyev oktyabrın 28-də Bakı - Qazax yolunun 350-ci kilometrliyində saxlanılıb.

Bakı şəhər BPİ TŞX, Nərimanov RPİ 17-ci PB - TŞX və Salyan RPŞ əməkdaşlarının birgə keçirdikləri əməliyyat-axtarış tədbirləri nəticəsində, oktyabrın 25-nə keçən gecə, Pyua küçəsindən Talıb Şirinova məxsus «Kamaz» markalı avtomobili qaçırmaqda şübhəli bilinən - Salyan rayon sakinləri - 1978-ci il təvəllüdlü İkram Əliyev və 1991-ci il təvəllüdlü Əhmədağa Cəbrayılov avtomobillə birlikdə tutulublar.

Elmin