Polisdən gülünc addım: bağlı yolda piyadaları cərimələyirlər - VİDEO
Yol polisi 7 Sentyabr 2014 00:45 Oxunub 926
Polisdən gülünc addım: bağlı yolda piyadaları cərimələyirlər - VİDEO
Motosikiletçilərin yaratdığı təhlükəyə göz yuman polis hər tərəfdən bağlı olan yolda piyadalara cərimə yazır

«Videoda gordüyünüz ərazi Nizami kinoteatrının qarşısıdır. Yol bütün istiqamətlərdə bağlıdır, amma yol polisi piyada keçidinin yanında dayanaraq insanları keçiddən istifadə etmədiyinə görə cərimələyir». Avtosfer.az-ın məlumatına görə, bu barədə jurnalist Anar Məmmədov özünün facebook səhifəsində məlumat yayıb: “Məni də saxlayanda ona iradımı bildirdim və insanları qanunsuz cəriməlidiyini  bildirdim. Mənə keçiddən istifadə etməməyin qanun pozuntusu olduğunu dedi. Təkrar geri qayıdıb düz yolun ortasında dayandım və cərimələnməyimi tələb etdim. Müxtəlif bəhanələrlə tələbimdən yayındı. Həmin polis əməkdaşlarının düz 10 metrliyində yolun bağlı hissəsində motosikletçilər şou göstərir və sözün həqiqi mənasında insanların həyatı ilə oynayırlar».

Bu onu göstərir ki, həmin polisləri ictimai təhlükəsizlik yox, protokol yazıb plan doldurmaq maraqlandırır. Amma bu polisləri qınamaq da olmur. Qınanılası adam o polisləri təlimatlandırıb ora göndərəndir. Axı bağlı yolda hansı təhlükə var? Bu polislər həmin yolda təmir başa çatan kimi başqa yerdə xidmət aparıb daha faydalı iş görmüş olardı. Belə gülünc mənzərə də ortaya çıxmazdı.

 

Avtosfer.az

ŞƏRH YAZ
Ad

E-mail

Şərh