Polisdən sərt hərəkət; sürücünü düşürüb avtobusu özü sürdü - FOTO

Bakıda oktyabrın 16-da çox maraqlı bir hadisə baş verib. Avtosfer.az-ın məlumatına görə, Facebook sosial şəbəkəsinin "Sancaq" qrupunda verilən xəbərdə bildirilir ki, Dövlət Yol Polis əməkdaşı Əhmədli tərəfdə qaydanı pozan (qırmızı işıqda keçən) 57 nömrəli sərnişin avtobusunu saxlayıb. Sürücünün sənədlərini yoxlayarkən görüb ki, onun sürücülük vəsiqəsi yoxdur.

Polis də sürücünü düşürüb, özü sükan arxasına keçib və sərnişinlərə deyib: "Siz bircə mənə yolu göstərin, hamınızı hara lazımdı ora çatdıracam. Bircə mən gedim çıxım bu avtobusun sonuncu astanovkasına. Görüm bunların nəzarətçisi kimdir belə".

Elə də olub. Sərnişinlər yol polisinə yolu göstərə-göstərə hamı rahatca evlərinə çatıb. Üstəlik, yol polisi sərnişinlərdən gediş haqqını almayıb.