Polislərin olduğu avtomobil qəzaya uğradı

Bakının Sabunçu rayonunda ağır yol-nəqliyyat hadisəsi baş verib. Avtosfer.az teleqraf-a istinadən xəbər verir ki, hadisə rayonun Maştağa qəsəbəsi, Məmmədyarov dairəsi yaxınlığında qeydə alınıb. Sabunçu Rayon Polis İdarəsinin Post-Patrul Xidməti bölüyünə məxsus “Fiat Doblo” markalı avtomobillə polis əməkdaşları hadisə yerinə yollanıblar. Avtomobildə sürücü, polis serjantı Namiq Hümbətov və polis nəfərləri Elsevər İsmayılov, Süleyman Süleymanlı olub. Polislərin olduğu avtomobillə Arif İmaməliyevin idarə etdiyi “VAZ-2106” markalı avtomobil toqquşub. Hadisə zamanı xəsarət alan olmayıb. Amma polis idarəsinin avtomobilinə ziyan dəyib. 

Faktla bağlı Sabunçu Rayon Polis İdarəsinin 14-cü polis bölməsində araşdırma aparılır.