Sürücülərə növbəti xəbərdarlıq - VİDEO

Qarlı hava nəticəsində yollar buz bağladığından Bakı Şəhər Baş Dövlət Yol Polis İdarəsi (BŞBDYPİ) sürücülərə xəbərdarliq edib. Belə havada sürüclərə sürət həddinin artırılmaması və yollarda ehtiyatlı olmalarını tövsiyə edilib. Bakı Şəhər Baş Dövlət Yol Polis İdarəsinin ictimaiyyətlə əlaqələr şöbəsinin rəhbəri Vaqif Əsədov ANS-ə bildirib ki, buzlu yollarda sürət həddini minumuma endirlməlidir: "Eyni zamanda ara məsafəsinin normadan artıq olmaması avtomobilin sürüşərək qarşıda hərəkətdə olan avtomobillə toqquşması deməkdir. Yəni hava şəraitindən asılı olmayaraq tələb olunan faktorlardan biri də yol boyu quraşdırılmış yol nişanlarının, eləcə də işiqforların tələbləri düzgün bir şəkildə yerinə yetirilməlidir. Həmçinin hava şəraitindən asılı olmayaraq avtomobilin dövlət nömrə nişanının görünməsi də sürücü tərəfindən təmin edilməlidir".