Yol polisi ölkə üzrə kütləvi reydlərə başlayıb

Ucarda yol polisi reyd keçirib. Avtosfer.az-ın APA-ya istinadən xəbərinə görə, Ucar Rayon Polis Şöbəsinin dövlət yol polisi əməkdaşları tərəfindən keçirilən reyd zamanı yol polisi əməkdaşları tərəfindən 60-a yaxın sürücü saxlanılıb. Onlardan əsasən avtomobilin texniki baxışdan keçirməyən, sürücülük hüququ olmadan avtomobil idarə edən, təhlükəsizlik kəmərindən istifadə etməyən, əlavə avadanlıqlar quraşdıran və polisin qanuni saxla əmrinə tabe olmayan ümumilikdə 30-a yaxın sürücü barədə protokol tərtib edilib.

Ucar rayon yol polisinin rəisi Ruslan İsayev qeyd edib ki, əvvəlki aylara nisbətən budəfəki reyd zamanı qanuni pozan daha az sürücüyə rast gəlinib. Buna da səbəb yol polisi əməkdaşlarının rayon ərazisində mütəmadi olaraq reydlər keçirməsidir. R.İsayev bu cür reydlərin davam etdiriləcəyini qeyd edib.