Yol polisi rəisi işləyən general oğlu işdən çıxarıldı

Daxili işlər naziri Ramil Usubov Suraxanı Rayon Polis İdarəsinin Yol Polis Şöbəsinin rəisi, polis mayoru Emin Məmmədovu vəzifəsindən azad edib. Nazirin digər sərəncamı ilə onun yerinə mayor Sadiq Abbasov təyini olunub. Emin Məmmədovun vəzifədən azad edilməsinə səbəb kimi, onun barəsində çoxsaylı şikayətlərin olması göstərilir.

Qeyd edək ki, işdən çıxarılan rəis nazirin keçmiş müavini, general-leytenant Əsgər Ələkbərovun oğludur (Daha dəqiqi, oğulluğu). Əsgər Ələkbərov 2001-ci ildən 2014-cü ilə kimi Daxili İşlər Nazirinin müavini vəzifəsində çalışıb. Onun 5 övladı var. (aznews.az)