Yol polisi rəisindən yazan jurnalistə 1 il 6 ay iş kəsdilər

Bu gün Xətai Rayon Məhkəməsində Azpolitika.info saytının rəhbəri Elnur Məhərrəmliyə hökm oxunub. Avtosfer.az aznews.az-a istinadən məlumatına görə, hakim Habil Məmmədov baş redaktora əmək haqqının 15 faizinin dövlət nəfinə köçürülməsi ilə 1 il 6 ay islah işi cəzası barədə qərar qəbul edib. E.Məhərrəmli hakimin hökmünün qərəzli olduğunu bildirib və apelyasiya şikayəti verəcəyini deyib.

Qeyd edək ki, E.Məhhərəmli Bakı şəhər Baş Polis İdarəsinin Dövlət Yol Polisi İdarəsinin rəisi (BDYP), polkovnik Nüşrəvan Səfərov tərəfindən məhkəməyə verilib. BDYP rəisi saytın 31 avqust tarixli buraxılışında yayımlanmış “Nuşirəvan və “bayquşlarının” sərgüzəştləri – DYP mafiyası məğlubedilməzdir?!” adlı yazıda təhqir olunduğunu iddia edib. E.Məhərrəmli Cinayət Məcəlləsinin 147.2 və 148-ci maddələri ilə cinayət məsuliyyətinə cəlb olunub.