Yol polisinə dərs keçən sürücü – VİDEO

Rusiyada da yol polislərinin müxtəlif nöqsanlara yol verməsi hallarını əks etdirən videolar sosial şəbəkələrdə yayılmaqdadır. Avtosfer.az-ın məlumatına görə, bu kadrlarda yol polisi əməkdaşlarının yolun hərəkət hissəsində qəsdən süni maneə yaratmasının sürücünü qəzəbləndirdiyi əksini tapır. Belə ki, yolun hərəkət hissəsindəki maneəni görən sürücü əsəbi halda mahını saxlayaraq yol polislərinin üstünə yeriyir. Əlindəki kamera ilə onları sorğu-sual edən sürücüyə dəqiq cavab verə bilməyən yol polisləri həm aradan çıxmağa, həm də bəhanələr uydurmağa çalışırlar. Lakin sürücü onlara sübut edir ki, bu maneə dərhal aradan qaldırılmalıdır. Çünki qəza şəraiiti yaradır.

Yeri gəlmişkən, Azərbaycanda da bəzən yol polisi əməkdaşları bilərəkdən və ya bilməyərəkdən sürücülərə təhlükə yaradırlar. Məsələn, yol patrul xidməti avtomobillərində xüsusi səs siqnallarından və sayrışan işıqlardan istifadə etmədən yolun hərəkət hissəsində təhlükəli manevrlər edirlər. Saray postunda bəzən yol polisləri çıxıb yolun elə yerində dayanırlar ki, öz həyatlarına və sürücülərə təhlükə yaradırlar. Deyəsən, bir gün bizim yol polislərinin də belə videosu yayılacaq.

Elməddin