Yol polisinin dronları sakinləri narahat edir – SƏBƏB 

Belçikanın Limburq kommunasında polis yol hərəkəti qaydalarınş pozanlara qarşı dronlardan istifadə edir. 

Avtosfer.az xəbər verir ki, dronlar patrulun görə bilmədiyi qayda pozuntularını aşkara çıxarır. Bunlardan ən geniş yayılanı velosiped zonalarındakı xətalardır. Qanunla velosipedçilər üçün ayrılmış zonalarda (söhbət Bakıdakı kimi cığırdan deyil, bütöv məhəllədən gedir) sürət limiti saatda 30 kilometrdir. Üstəgəl, bu ərazilərdə avtomobilin velosipedi ötməsi qadağan edilir. Qaydaya əksər sürücülər əməl etmir. 

Lakin dronu geniş tətbiq etmək də mümkün olmur. Qanuna görə, polis dronunun üzərində aydın oxucacaq şəkildə “POLİCE” yazılmalıdır. 
Yerli sakinlərin narahatlığı isə tam başqadır. Onlar hesab edirlər ki, dronlar xidmət zamanı evlərin içini də görə bilər. Bu isə birbaşa şəxsi həyata müdaxilə sayılır. Bu səbəbdən polis dronları geniş tətbiq edə bilmir, sürücülər isə bildikləri kimi davam edirlər. 

Rəy sorğuları da göstərir ki, yerli əhali polis dronlarına təhlükəsizliyi qoruma deyil, büdcədoldurma vasitəsi kimi baxır.

Vüqar