Yol polisləri qaçan sürücünü saxlamaq üçün yolu bağladı

Bakıda Dövlət Yol Polisi (DYP) əməkdaşları qaçan sürücünü saxlamaq üçün yolu bağlamalı olub. Avtosfer.az musavat.com-a istinadən xəbər verir ki, hadisə bu gün saat 22 radələrində Xətai rayonu, Məhəmməd Hadi küçəsində baş verib. DYP əməkdaşlarının «saxla» əmrinə tabe olmayan, yol hərəkəti qaydalarını pozan 90 UP 949 dövlət nömrə nişanlı "Wolkswagen" markalı maşınının sürücüsü qaçmağa çalışıb. DYP əməkdaşları sürücünü yolu bağlayaq saxlamağa nail olub. 99 YP 387 dövlət nömrə nişanlı maşında olan DYP əməkdaşları sürücünü cəzalandırıb.