Yol polislərinə etiraz edən sürücü açarları kanala atdı

Yol polisi 21 Noyabr 2014 15:27 Oxunub 2017
Yol polislərinə etiraz edən sürücü açarları kanala atdı
WhatsApp kanalımıza abunə ola bilərsiniz
Səhər saatlarında "Zazalı" postunda xoşagəlməz olay yaşanıb...

Bu gün səhər saat 8-də Gəncə şəhəri yaxınlığındakı "Zazalı" postunun əməkdaşları «Nova» markalı iritutumlu yük avtomobilini saxladıqdan sonra sürücü ilə yol polisləri arasında insident yaşanıb. Moderator.az xəbər verir ki, hadisə şahidlərinin verdiyi məlumata görə, yol polislərinin xəbərdarlığına əhəmiyyət verməyərək hərəkəti davam etdirən sürücü şəhərin tən ortasında kobud şəkildə saxladılıb və maşından düşürülüb. Mübahisənin qalmaqala çevrildiyini və əraziyə xeyli sayda kənar şəxslərin toplaşdığını görərək sürücünü patrul maşınına mindirib posta qaytarıblar. Amma sürücünün qışqıraraq "mən boş gəlirəmsə niyə pul verməliyəm" deyə etirazını bildirməsi kənardan aydınca eşidilirmiş.Yol polislərinin hadisə yerindəki avtomobilinin dövlət qeydiyyat nişanı 10 YP 837,  «Nova» markalı yük maşının nömrəsi isə 99 ES 121 olub. Maşın "Baku Steel Kompany"-yə məxsus avtomobil olub. 

Hadisədən 3 saat keçməsinə baxmayaraq yük avtomobilinin sürücüsünün açarları hirslənərək gücü çatdıqca yol kənarına tullaması üzündən gərginlik davam edib və Gədəbəyə zəng edərək ehtiyyat açarın gəlməsini gözləyirlər. Bildirilir ki, günorta saatlarınadək problem çözülməmiş qalıbmış və yol polisləri məsələnin böyüyərək Bakıya çatacağından bərk narahatçılıq keçirirmişlər...

FOTO QALEREYA
ŞƏRH YAZ
Ad

E-mail

Şərh