Yollarda təhlükəsizlik tədbirlərinin nəticəsi açıqlandı

Bu il yanvarın 1-dən dekabrın 6-dək Bakı şəhəri üzrə 850 yol-nəqliyyat hadisəsi qeydə alınıb. Nəticədə 290 nəfər ölüb, 861 nəfər xəsarət alıb. Bunu Trend-ə Bakı şəhər Dövlət Yol Polisi İdarəsinin bölmə rəisi, polkovnik-leytenant Vaqif Əsədov deyib. Onun sözlərinə görə, görülən müvafiq kompleks tədbirlər nəticəsində ötən ilin müvafiq dövrü ilə müqayisədə 84 hadisə, 25 ölüm, 76 xəsarət faktı azalıb. V.Əsədov qeyd edib ki, hadisələrin 51 faizi piyadaların vurulması ilə bağlı olub. Bölmə rəisi əlavə edib ki, qapalı şəraitdə, yəni kimlər tərəfindən törədildiyi məlum olmayan 48 yol qəzası baş verib. Bu hadisələr zamanı 3 nəfər ölüb, 47 nəfər xəsarət alıb.