“Alfa Romeo Tonale Edizione Bambini”yə salam deyin

“Akfa Romeo Tonale Edizione Bambini” İngiltərədə göstərdiyi çıxışla birlikdə bizi salamlayır. Avtosfer.az xəbər verir ki, şirkət tərəfindən verilən açıqlamalara nəzər salınarsa avtomobil ailələr üçün tamamilə əlverişli model kimi qiymətləndirilir. Ailə dostu ola biləcək modelin arxa tərəfindəki genişlik ilk diqqət çəkən detaldır. Avtomobilin salonunda ən çox cəlbedici olan şey isə telefonlara bağlanan və ön, yaxud arxa tərəfdə yerləşən uşaq oturacaqlarını izləyə bilən monitorun olmasıdır.
Daxili məkandan davam etdiyimizdə uyğun tikişlərlə müşayiət olunan naxışlı Alfa Romeo loqosuna sahib boz rəngin üstünlüyü diqqət cəlb edir.

Bununla yanaşı, avtomobilin oturacaq aralarındakı özəl təchizatlar da fərqlilik qatır. Belə ki, bu sahədə planşet qoymaq üçün yer və tullantılar üçün zibil qabı belə mövcuddur. Arxa sıranın ortasında isə oyuncaq qoyula bilən sahə var. 

Baqaj qisminə gəldikdə 12 voltluq tozsoran bizi qarşlıayır. Təbii ki, modeldə olan bir sıra özəlliklər, xüsusilə təmizlik sahəsinə göstərilən diqqət digər avtomobillərdə yoxdur. 

Qeyd edək ki, layihənin istehsala keçməsiylə bağlı suallara cavab olaraq şirkət səlahiyyətlisi “Hər fürsətə baxacayıq, amma hal-hazırda konkret bir şey yoxdur” deyə bildirib.

Nərmin Əkbər