Avropada elektromobilə keçid: narazılıq artır

Avropa İttifaqında 2035-ci il elektromobilə keçid üçün son hədd kimi müəyyən edilsə də, bəzi ölkələr prosesin uzadılmasını istəyir. 
Avtosfer.az xəbər verir ki, tam keçidə ilk növbədə İtaliya etiraz edir. Hətta bu ölkənin təzyiqi ilə illik istehsalı min ədədi keçməyən avtomobillər üçün istehsal müddəti 1 il artırılıb. Ölkənin nəqliyyat naziri Mateo Salvini bildirib ki, “yanacaqla işləyən avtomobillərin qadağan edilməsi mənasızıdr, bu qadağa ekoloji  psevdofundamentalizmə əsaslanır”. Nazir iddia edir ki, elektromobilə keçid qitədə yeni işsizlər ordusunun yaranmasına gətirib çıxaracaq. 

Fransa isə elektromobilə keçid  məsələsinə 2026-cı ildə yenidən baxmağı təklif edib. Rəsmi Paris istehsalçılara bir qədər artıq vaxt verilməsinin tərəfdarıdır.

Vüqar