Bu ölkədə elektromobillərə vergi tətbiq ediləcək

Böyük Britaniyada elektromobillər üçün vergi tətbiqi planlaşdırılır. 

Avtosfer.az xəbər verir ki, bu vergi ənənəvi avtomobillərə tətbiq olunan yanacaq rüsumunun analoqu olacaq. Yeni verginin məbləğinin ildə 240 funt sterlinq (500 AZN) olacağı gözlənilir. 

Vergi tətbiqinin səbəbi elektromobillərin sayının artmasıdır. Bunun nəticəsində dövlət büdcəsinə yanacaq rüsumundan gələn gəlirlər ciddi şəkildə azalır. Hökumət məhz bu itkini kompensasiya etməkl istəyir.

Vergi 2028-ci ildən tətbiq ediləcək. Hökumət bu yolla hər il 1,8 milyard funt (4 milyard AZN) gəlir əldə etməyi planlaşdırır. Qərar narazılıqla qarşılanıb.

Qeyd edək ki, Britaniya elektromobillərə güzəştləri azaldan ilk ölkə deyil. Bu nəqliyyat vasitələri populyarlaşdıqca əksər ölkələr subsidiya və güzəştləri ləğv edir.

Vüqar