“Chevrolet” məşhur modelin istehsalını dayandırdı

“Chevrolet” məşhur avtomobil modelinin istehsalını dayandırdığını elan edib. 

Avtosfer.az xəbər verir ki, “General Motors Chevrolet Cruze” adlı modelin istehsalı rəsmi olaraq dayandırılıb. Bu maşın 2008-ci ildən istehsal olunur. Ümumilikdə dünyada iki milyon yarımdan çox bu avtomobil növündən var. 

Avtomobilin son modelləri bu ilin sonuna qədər konveyerdən çıxacaq. 

Bildirilir ki, “Chevrolet Cruze” yalnız Argentinada istehsal olunur. O istehsaldan çıxarıldıqdan sonra şirkət “Chevrolet Tracker” krossoverinin istehsalını artıracaq.

Qeyd edək ki, bu qərar alıcıların C sinifli sedan və hetçbeklərdən imtina edərək krossoverlərə üstünlük verməsi səbəbindən verilib.

Hazırda “Chevrolet Cruze” 1,4 litrlik 153 at gücündə turbo mühərrik və altı pilləli avtomatik transmissiya ilə təchiz edilib.

Lent.az