"Dodge Charger Daytona SRT" elektrokarı 10 güc variantına sahib olub

Dodge Charger Daytona SRT elektrokarı bu ilin avqust ayının ortalarında debüt etmişdi, lakin o zaman avtomobil istehsalçısı elektrik maslkarı barədə texniki detalları açıqlamamışdı. İndi isə, Dodge təfərrüatları dərc edib: elektrik əzələ avtomobili 10 güc variantında təqdim olunacaq və Charger və Challenger modellərinin ən güclü benzin versiyalarını üstələyəcəkdir. Bundan başqa, yenilik üçün qeyri-adi opsiya - elektromobilin gücünü artırmağa imkan verən "büllur açar" hazırlanıb.

SEMA-2022 tüninq şousunda debüt edən Dodge Charger Daytona SRT qırmızı rəngli kuzova malikdir. Elektromobil hələ də konsept statusundadır və şirkətin elektrikləşdirilmiş gələcəyə baxışını nümayiş etdirir.

Yeni məlumatlara görə, Charger Daytona SRT modeli 400 voltluq arxitekturaya əsaslanan iki başlanğıc versiyasında təklif ediləcəkdir. Baza versiyası 455 at qüvvəli ikimühərrikli aqreqatla təchiz ediləcək, daha bahalı modifikasiyada olan elektrik mühərrikləri isə, 590 at qüvvəsi hasil edəcəklər.

Eyni zamanda, baza versiyaların hər biri üçün elektrik güc qurğusunun məhsuldarlığını artıracaq iki əlavə paket təklif ediləcəkdir- onlar eStage 1 və eStage 2 adlanır. Birinci halda, hasilat 495 və ya 535 at qüvvəsinə qədər artacaq, ikinci halda isə, müvafiq olaraq, 630 və 670 qüvvəsi təşkil edəcəkdir. Əlavə güc əldə etmək üçün xüsusi "büllur açar" tələb olunur.

Bundan əlavə, Dodge Charger Daytona SRT modelinin 800 voltluq arxitekturaya əsaslanan ekstremal Banshee modifikasiyası da olacaqdır ki, bu modifikasiya da iki güc variantında təklif ediləcəkdir. Banshee modifikasiyasının xüsusiyyətləri avtomobil istehsalçısı tərəfindən gizli saxlanılır.

Bir müddət bundan əvvəl, Daytona şirkəti SRT Charger modelinin sürücüdə güclü benzin maslkarını idarə etdiyi  hissini yaratmağa imkan verən bir neçə sistemin tətbiq olunduğu barədə məlumat verilmişdi. Məsələn,  sürətlənmə zamanı təkanları təmin edən elektromexaniki eRupt transmissiyası və V8 mühərrikinin 126 desibel gücündə gurultusunu yaradan Fratzonic akustik “buraxılış” sistemi. Dodge Charger Daytona SRT  modelinin seriya versiyasının istehsalına 2023-cü ildə başlamaq planlaşdırılır.

autograph.az