Dünyanın ən yaşlı taksi sürücüsü və yarım əsrlik avtomobili - FOTO

Livanlı Ömər Çuxri Əlçaar 1955-ci ildən taksi sürücüsü işləyir. Son 48 ildə isə onun cəmi vatomobili olub: “Mercedes-Benz 190 W110”. 
Avtosfer.az-ın xəbərinə görə, Almaniyanın “Deutsche Welle” televiziyası Livanın Bakhun şəhərində işləyən 89 yaşlı taksi sürücüsü barədə reportaj hazırlayıb. 
Jurnalistlər bildirirlər ki, Ömər 1955-ci ildə 21 yaşında ikən sürücülük vəsiqəsi alıb və həmin gündən taksi fəaliyyətinə başlayıb. 1975-ci ildə isə 1963-cü il istehsalı olan “Mercedes”i alıb. Avtomobil artıq 1 milyon kilometrdən çox yol qət edib. 
Avtomobilin təxminən yarım əsr yaşı olsa da, əsas detallar orijinaldır. Ancaq salona baxdıqda zamanın avtomobilə qalib gəldiyi hiss olunur. 
Avtomobil qonşu ölkələri gəzib, hətta bir dəfə İstanbula 1400 km yolu gedib və qayıdıb. Avtomobilin baqajında çox sayda detal gəzdirən sürücü maşından şikayət etmir.

Vüqar Yaşaroğlu