Elektromobillər üçün yeni tormoz diski

Avro-7 standartlarının əsas tələblərindən biri də tormozlama zamanı ətraf mühitə atılan yonqarın həcmini azaltmaqdır. 
Avtosfer.az xəbər verir ki, “Continental” şirkəti yeni tormoz diski layihələndirib. Yeni disklər 3 il sonra elektromobillərdə tətbiq ediləcək. 
Tərkibi açıqlanmayan detalın kütləsi ənənəvi tormoz qəlibindən 2 kq yüngül, qalınlığı da kifayət qədər azdır. Səbəb məlumdur: sürücü ayağını akseleratordan çəkdikdə elektromobil öz-özünə tormozlanır. Hərəkət edən avtomobilin yaratdığı enerji batareyanın dolmasına sərf edildiyi üçün (rekuperativ tormoz) sürət azalır. Buna görə də tormozdan istifadə tezliyi də azalır. Son nəticədə klassik avtomobildəki qədərqalın və ağır detala ehtiyac qalmır. 
Yeni tormoz sistemi həm də batareyanın resursunu 1%-dək artırmağa imkan verir.

Vüqar