Fransada “Renault”ya qarşı kütləvi iddia – 40 000 km-də sıradan çıxan mühərrik - FOTO

Fransada “Renault-Nissan-Mitsubishi” alyansına qarşı kütləvi iddia qaldırılıb.

Avtosfer.az-ın xəbərinə görə, Nanter şəhər məhkəməsinə 1789 nəfərin kollektiv iddia ərizəsi daxil olub. 
İddiaçılar 1.2 Tce (və ya DIG-T) mühərrikinin həddən artıq yağ sərfiyyatı nəticəsində sıradan çıxmasından şikayətçidirlər. Avtomobil sahiblərinin  sözlərinə görə, ucuz modellərə quraşdırılan bu mühərrik çox vaxt 40 min kilometrdə dağılır. Sözügedən mühərrik Clio, Mégane, Captur, Kangoo, Dacia Duster, Dokker, Lodgy, həmçinin Nissan Juke, Qashqai və Pulsar modellrində quraşdırılıb. Problem əsasən 2012-ci ilin oktyabrından 2016-cı ilin iyununadək istehsal olunmuş modelləri əhatə edir. 

Görəsən bu modellər Azərbaycanda da istismar olunurmu?

Vüqar Yaşaroğlu