İldırım vuran avtomobilin elektronikası sıradan çıxdı

Fransanın Finister departamentində məşqdən qayıdan futbolçunun başına maraqlı iş gəlib. 

Avtosfer.az xəbər verir ki, futbolçunun avtomobilini hərəkətdə olan zaman ildırım vurub. 
İdmançı başına gələn hadisəni belə nəql edir: “Məni ildırım səsindən daha çox işıq təəccübləndirdi. Bir anın işində hər yer gündüz kimi oldu. Avtomobilin qəza işıqları öz-özünə işə düşdü”.

Futbolçuya və avtomobilin salonuna heç bir zərər dəyməsə də, avtomobilin elektronikası sıradan çıxıb.

Vüqar